Bazuar në karakteristikat e njerzëve, ekzistojnë dy lloje të personalitetit, introvert dhe ekstrovert. Kur një person është i rezervuar dhe nuk hapet lehtë, ai ose ajo thuhet se është një introvert.
Ndërsa, kur një person është shoqëror, bisedues dhe bën miq shpejt, atëherë tipi i tij i personalitetit thuhet se është ekstrovert.
Por këto nuk janë karakteristikat e vetme diferencuese midis dy grupeve.
“Të gjithë jemi të njëjtë, por të ndryshëm” është një thënie e vjetër, që do të thotë se ne të gjithë kemi të njëjtën natyrë njerëzore, trup, mendje, mendime, ndjenja, e megjithatë çdo individ është unik në mënyrën e vet. Prandaj, thuhet se “Askush nuk është njësoj”, pasi mënyra jonë e të menduarit, ndjenjës dhe veprimit është e ndryshme nga njerëzit e tjerë, që përfaqëson personalitetin tonë.
Introvertët janë të rezervuar nga natyra, pasi janë të preokupuar nga mendimet dhe ndjenjat e tyre. Pra, ata kanë nevojë për shumë hapësirë personale. Më tej, këta njerëz ndjehen rehat dhe më energjikë kur janë vetëm. Pra, ata preferojnë aktivitete të vetmuara ndaj bashkëveprimit shoqëror i cili përfshin leximin, shkrimin, dëgjimin e muzikës etj. Introvertët i kushtojnë më shumë rëndësi botës së tyre të brëndëshme, sesa asaj të jashtmes.
Shumë njerëz besojnë se introvertët janë të vetmuar, apo kanë ankth ose probleme të ndryshme, por kjo sështë aspak e vërtetë. Introvertët nuk janë aspak të vetmuar, por ata thjesht ndihen më mirë kur janë me pak njerëz, ose kur ndodhen në shtëpinë e tyre.
Ata vërtet kanë pak miq, por kjo ndodh sepse ata nuk e durojnë dot sipërfaqsinë, dhe miqësitë e tyre duhet ti kenë rrënjët e thella. Ata janë dëgjues shumë të mirë, dhe gjejnë zgjidhje dhe problemeve më të vështira, por ata nuk janë aq praktikë, dhe nuk janë aq të lirshëm në njohjet e reja.
Përkufizimi i ekstrovertit
Extrovert i referohet një lloj sjelljeje njerëzore, në të cilën një person pëlqen të rrethohet dhe të bashkëveprojë me njerëzit. Ata janë social dhe të hapur. Vetë identiteti i një ekstroverti është se ata gëzojnë bashkëveprimin njerëzor.
Ekstrovertë, përqendrohet në realitete praktike sesa në ndjenja dhe mendime të brendshme, kështu që ata mërziten në vetmi.
Një ekstrovert nuk rri dot vetëm, pasi ai ndjen se energjia e tij konsumohet. Ai nuk është shumë i rezervuar, dhe nuk i pëlqen privatësia aq shumë saç i pëlqen një introverti.
Prandaj, ato kanë tendencë të jenë më sociale, praktike, joformale dhe entuziaste. Më tej, aftësitë e tyre të komunikimit janë të shkëlqyera. Individët që posedojnë këtë lloj personaliteti gëzojnë tubime sociale dhe u pëlqen të bëhen qendra e tërheqjes së vëmendjes.
