Shpesh, një marrëdhënie që fillon mbarë mund të përfundojë me një tërheqje të papritur nga ana e partnerit. Ai që dikur ju përkushtohej dhe ju bënte të ndiheshit e veçantë, papritur largohet, ndalon t’ju kushtojë vëmendje dhe në disa raste, ju injoron plotësisht. Pse ndodh kjo dhe a keni bërë diçka gabim? Ja disa arsye të mundshme dhe këshilla për ta kuptuar më mirë:
Ai nuk ka ndryshuar – thjesht po tregon kush është vërtet
Partnerët emocionalisht të largët shpesh e nisin marrëdhënien duke treguar anën e tyre më të mirë. Mund të flasin për të ardhmen, por nuk bëjnë përpjekje të qëndrueshme për ta ndërtuar atë. Në momentin që lidhja kërkon angazhim më të madh dhe përgjegjësi, ata shpesh tërhiqen. Në fakt, nuk po ndryshojnë – thjesht po heqin maskën.
Ju bën të mendoni se faji është i juaji
Një person që ju injoron papritur shpesh lë të kuptoni se sjellja e tij ka lidhje me diçka që keni bërë ju. Filloni të analizoni çdo fjalë dhe veprim tuajin, duke menduar se ndoshta një “gabim” nga ana juaj e ka shkaktuar tërheqjen e tij. Ky është një truk që përdorin shpesh njerëzit emocionalisht të largët, për t’ju bërë të ndiheni të pavlerësuar dhe fajtorë.
Nevoja për të pasur kontroll
Nëse ndiheni si në një situatë ku gjithçka është në dorën e tij dhe ju prisni atë për t’ju dhënë sinjale, jeni në një marrëdhënie ku ai kontrollon çdo gjë. E di që ju dëshironi vëmendjen e tij, gjë që e bën të mendoj se është në kontroll. Sa më shumë që kërkoni sqarime, aq më shumë “pushtet” fiton.
Mos prisni sqarime të drejta
Një person që nuk është emocionalisht i përgatitur nuk do t’ju japë shpjegime të sinqerta për sjelljen e tij. Nëse po kërkoni një përgjigje që do ta shpjegojë plotësisht ndryshimin e tij, duhet të kuptoni se ai nuk është i aftë për t’u përkushtuar apo për të qenë i qëndrueshëm në një marrëdhënie të thellë.
Si të veproni në këtë situatë:
Vendosni standardet tuaja
Mos u mjaftoni me pak vëmendje. Vetëm ju mund të vendosni standardet që meritoni dhe të mos pranoni më pak.
Mos e bëni fajin tuaj
Kjo situatë nuk lidhet me atë që mund të keni bërë apo jo. Partneri është emocionalisht i largët dhe nuk mund t’ju ofrojë atë që kërkoni.
Mos lejoni të jetë i paqëndrueshëm
Një lidhje e vërtetë kërkon vazhdimësi dhe përkushtim. Nëse partneri juaj ndryshon nga dita në ditë, është koha të mendoni nëse dëshironi të jeni në një marrëdhënie të bazuar mbi pasiguri dhe dyshime.
Në fund, pyesni veten: a mos po kërkoni që “macja” të lehë? Macet gjithmonë do të mjaulin dhe e njëjta gjë vlen për ata që nuk janë emocionalisht të përgatitur. Bërja e kompromiseve me veten për dikë që ju bën të ndiheni të pavlerësuar nuk do t’ju sjellë kurrë lumturinë që meritoni.
