Disa letra tarot-i duken sikur po ju paralajmërojnë fundin e botës. Po shihni "Vdekjen"? Apo "Kullën"? Mos u shqetësoni! Nuk ka karta "të këqija" në tarot - vetëm karta që duan t'ju thonë diçka me ton dramatik. Ja pse duhet t’i merrni me sportivitet:
"Kulla": Universi po ju jep një fillim të ri falas
Po, "Kulla" duket si një katastrofë në miniaturë. Por e vërteta? Është një pastrim i nevojshëm. Nëse diçka po shembet, është sepse nuk ka qenë ndërtuar mbi themele të forta. Universi po ju shkund që të filloni diçka të re. A nuk tingëllon kjo si një shans?
"Vdekja": Nuk ka lidhje me... vdekjen
Kjo letër ka të bëjë me transformim, aspak me paralajmërimin për një funeral. Një fazë e jetës suaj po mbyllet, por një kapitull i ri është gati të nisë. Ndoshta një punë e re, një shtëpi e re, apo thjesht largimi nga ajo energjia toksike që keni toleruar për aq shumë kohë. Në vend që të frikësoheni, mendojeni këtë kartë si një mik që ju thotë: "Koha për një fillim të ri!"
"Dhjetë Shpatat": Më keq s'ka ku shkon - dhe kjo është gjë e mirë!
Kjo letër është në pamje të parë një dramë totale, me ato 10 shpata të ngulura pas shpinës. Por në tarot, është mënyra e fatit për t’ju thënë: "Mjaft u përpoqe të shpëtosh diçka që ka mbaruar. Largohu dhe fillo diçka të re!" Po, është një mesazh i ashpër, por i nevojshëm.
Si përfundim?
Letrat tarot nuk kanë pse t’ju frikësojnë. Përdorini mesazhet si udhërrëfyes që ju ndihmon të përballeni me të vërtetat dhe të ecni përpara. Mos harroni: Edhe letrat më dramatike fshehin një mesazh pozitiv - thjesht duhet të keni një sy kritik për ta kuptuar atë.
