Në SHBA, edukimi në shtëpi është një alternativë e ligjshme dhe gjithnjë e më popullore për shumë prindër që preferojnë t’i arsimojnë fëmijët e tyre jashtë sistemit të shkollës tradicionale. Ky fenomen ka rritur interesim vitet e fundit, pasi shumë prindër besojnë se mund të ofrojnë një arsim më të personalizuar dhe më të përshtatshëm për nevojat e fëmijëve të tyre.
Disa arsye kryesore që shtyjnë prindërit të zgjedhin edukimin në shtëpi përfshijnë dëshirën për të pasur kontroll më të madh mbi përmbajtjen e mësimeve, mundësinë për të përqendruar vëmendjen te interesa dhe aftësitë individuale të fëmijëve, dhe shqetësimet për sigurinë dhe mjedisin social në shkolla. Gjithashtu, disa prindër zgjedhin këtë mundësi për të ofruar një edukatë të theksuar fetare ose për të shmangur ndikimet negative që ata mund të mendojnë se vijnë nga sistemi tradicional i arsimit.
Në nivel global, arsimimi në shtëpi është i ligjshëm në shumicën e shteteve, por rregullat dhe kërkesat përkatëse ndryshojnë shumë. Në disa shtete, si në ShBA dhe në disa vende të Evropës, është një mundësi e lejuar dhe shumë e përdorur, ndërsa në disa vende të tjera, si në Gjermani dhe Suedi, edukimi në shtëpi është i ndaluar. Këto shtete argumentojnë se arsimi duhet të sigurohet në një mjedis të kontrolluar dhe të mbikëqyrur, për të siguruar barazi mundësish dhe zhvillim të shëndetshëm social për të gjithë fëmijët.
Megjithatë, numri i prindërve që zgjedhin edukimin në shtëpi është në rritje dhe shumë shtete po rishikojnë ligjet e tyre për të lejuar këtë mundësi, duke kërkuar që prindërit të ndjekin kritere të caktuara mësimore dhe të sigurojnë që fëmijët të arrijnë nivele të caktuara edukative.
