Do të lemë duhanin, do të merremi me sport, do të kemi një dietë më të shëndetshme. Çdo vit bëjmë plane, po si t'i realizojmë ato?
Kishim shumë ide të mira për vitin 2024: Do të ulim peshën, do të pimë më pak alkool, do të meditojmë më shumë, e kështu me radhë. Por shumë prej tyre mbetën vetëm dëshira. Po tani? Ndoshta dëshira të tilla vërtet mund të realizohen.
Entuziazmi me të cilin hyjmë në vitin e ri është si fishekzjarrët e vitit të ri nëGjermani. Shpërthimet kalojnë shpejtë, kështu ndodh edhe me dëshirat. Por nëse i kushtoni vëmendje disa gjërave, viti 2025mund të jetë një vit i mirë.
1. Një nga një
"Gabimi më i madh është kur planifikon shumë gjëra në të njëjtën kohë”, thotë eksperti i psikologjisë së sportit dhe punës, Mario Schuster. Dikush nuk planifikon thjesht ta erë duhanin, por dëshiron të heqë ëmbëlsirat, tëmbajë dietë, të heqë dorë nga alkooli, të vrapojë... thjesht planifikon të mbingarkohet.
"Për të kapërcyer zakonet e vjetra, na duhet vullnet," shpjegon Schuster. Ndaj është e rëndësishme që gjërat të realizohen një nga një.
2. Duhet të jetë e këndshme
Tani duhet të përcaktojmë një qëllim ku të përqendrohemi. Por cili është qëllimi? Të gjitha synimet tona janë të arsyeshme dhe kanë kuptim. "Por arritja e tyre duhet të sjellë kënaqësi”. "Ne kemi nevojë për një qasje pozitive ndaj ndryshimit," thotë Schuster.
"Duhet të le duhanin" dhe "Dua ta le duhanin" dallojnë pak nga ana gjuhësore, por dallimet psikologjike janë shumë të mëdha mes dua dhe duhet.
3. Jini realist
Nëse dikush ka ngelur në divan gjatë gjithë vitit dhe vitin e ardhshëm ka ndërmend të shkojë në palestër ose të vrapojë katër herë në javë, ndoshta ka shtruar kërkesa shumë të mëdha. Dikush që preferon të kalojë kohë në divan para televizorit, mund të jetë i kënaqur nëse e detyron veten të shkojë në një aktivitet sportiv dy herë në javë.
"Rregullësia është më e rëndësishme se intensiteti," shpjegon ai.
4. Shpallni qëllimin tuaj me zë të lartë
Ju keni zgjedhur një qëllim dhe keni filluar t'i jepni formë. "Në atë pikë, mund të ndihmojë t'u tregosh disa njerëzve”, thotë psikologu, duke shpjeguar se një premtim që i bëjmë vetes në heshtje është i lehtë për t'u thyer, ndërsa ai që shprehet me zë të lartë ka forcë më të madhe detyruese.
5. Vështirësitë janë normale
2025 sapi filloi dh po kalon por a po realizohen synimet? Pas motivimit vjen rënia. A ta ndez një cigare, të ulem në divan, ta marr një gotë... çfarë të bëj tani?
"Në asnjë rrethanë nuk duhet të gjykoni veten nëse nuk arrini të bëni diçka që keni planifikuar," paralajmëron Schuster. Vështirësitë dhe pengesat janë normale, por nuk duhet të heqim dorë nga synimet. Ndonëse kthimi tek gjërat e vjetra nuk duhet të përcillet me probleme dhe gjykime, sepse kjo ndodh shpesh, është normale.
Në vend të keqardhjeve, fokusi duhet të jetë tek sukseset – edhe ato më të voglat.
6. Problemet me synimet
Edhe qëllimet e mira mund të jenë të këqija. Këtu bën pjesë edhe vendimi "duhet” apo "dua”. Kur përjetojmë një kolaps në përcaktime, atëherë edhe dënimi i vetvehtes mund të dëmtojë dhe të humbasim besimin për të arritur atë që kemi vendosur të bëjmë. Ndaj duhet të jemi të kujdeshshëm me vetvehten dhe synimet tona./DW
