Një nënë nga Britstoli i Anglisë ka treguar për tmerrin e saj, pasi zbuloi se vogëlushi i saj kishte bërë një projekt surprizë të dizajnit të brendshëm në shtëpinë e tyre – duke përdorur ‘lapsin’ e zi të syve.
Jackline Mëende, 42 vjeçe, kishte rënë në gjumë kur djali i saj dy vjeçar, Thabani Canessius, doli nga shtrati, transmeton Telegrafi.
Kur nëna e dy fëmijëve u zgjua dhe zbuloi se Thabani kishte marrë ‘lapsin’ e syve nga çanta e produkteve të grimit, dhe kishte filluar të vizatonte nëpër murin e bardhë.
Thabani jo vetëm që përdori lapsin e zi për të mbuluar murin me shkarravitje, por ai duket se edhe u argëtua shumë gjatë kësaj kohe.
“Ai me të vërtetë kreu misionin e tij. Duhej t’i lanim gojën, duart, fytyrën, madje edhe t’ia pastronim gjuhën”, tha Jackline.
