Aktorja Gal Gadot ka zbuluar detaje nga lufta e saj për jetën, e cila u zhvillua në mars të vitit të kaluar.
Gjegjësisht, gjatë shtatzënisë kanë ndodhur komplikime dhe ajo ka përfunduar me operacion për shkak të mpiksjes së gjakut në tru.
Aktorja u diagnostikua me trombozë venoze cerebrale në muajin e tetë të shtatzënisë, pasi vuajti nga dhimbje koke të padurueshme për javë të tëra.
“Isha shumë e frikësuar. Papritmas mësova kuptimin e vërtetë të fjalës – në frikën e vdekjes. Nëse dikush kudo në botë has të njëjtin problem, nëse dëgjon historinë time, ata do ta dinë se duhet të kontrollohen”, tha ajo.
Ajo shtoi se gjithçka filloi me dhimbje koke të forta që zgjatën tre javë.
“Kisha një mpiksje gjaku në tru dhe një të madhe. Në fakt, tre. Kisha tre mpiksje. Trupat tanë gjithmonë na thonë diçka. Ne vetëm duhet të dëgjojmë dhe të kontrollohemi. Është më mirë të shkojmë dhe të kontrollohemi se sa të mos shkojmë fare”, theksoi mes tjerash ylli i famshëm.
