Që të keni një funksion sa më të mirë të trupit, duhet të ekuilibroni orarin e stërvitjes, ushqimit dhe gjumit. Së bashku, stërvitja, dieta dhe gjumi krijojnë themelin për shëndetin dhe mirëqenien afatgjatë.
Duke përcjellë një dietë të shëndetshme, ajo mund t’ju ndihmojë që të keni një gjumë të rehatshem natën, të përmirësoni cilësinë dhe gjatësinë e gjumit dhe anasjelltas, gjumi i një cilësie të lartë mund t`ju ndihmojë të hani më mirë.
Hulumtimet tregojnë se kur keni mungesë të gjumit, ka më shumë të ngjarë që të keni konsumuar ushqime të larta në kalori, yndyrë dhe sheqer.
Këtu janë disa nga ushqyesit më të rëndësishëm për një gjumë të mirë:
1. Seleniumi
Një mangësi e selenit mund të luajë një rol në anomalitë e gjumit, gjithashtu kritik për funksionimin e sistemit tuaj imunitar dhe funksionin e tiroides. Burime të shkëlqyera me selen : janë arrat e Brazilit, farat e lulediellit, mish viçi, frutat e detit, mishi I pules dhe kërpudhat .
2. Vitamina C
Disa studime sugjerojnë që njerëzit me nivele të ulëta të vitaminës C kanë më shumë probleme me gjumin dhe janë më të prirur për t’u zgjuar gjatë natës.Burime të shkëlqyera të vitaminës C janë: frutat e malit, qershi ,portokall,mandarina,limoni si dhe më shumë ushqime të përditshme si speca , perime me gjethe jeshile, kivi, luleshtrydhe, agrumet dhe papaja.
4. Kaliumi
Në bazë te disa studimeve kaliumi mund të jetë i dobishëm për ata që kanë probleme të qëndrojnë në gjumë. Bananet shpesh vlerësohen si burimi më i mirë i kaliumit, por ka shumë burime të tjera natyrore.Zarzavatet pa gjethe, patatet, brokoli, kërpudha dhe avokadot janë burime të shkëlqyera të kaliumit.
5. Kalciumi
Hulumtime të tjera sugjerojnë që shqetësimet lidhur me gjumin mund të lidhen me një mangësi të kalciumit.Burime të shkëlqyera të kalciumit janë : kale, zarzavate , sardele, salmon ,frutat e detit dhe farat e susamit, djathi, qumështi dhe kosi, brokoli.
6. Vitamina D
Ekziston një lidhje e fortë midis mungesës së vitaminës D dhe mungeses së gjumit .Burimet ushqimore të vitaminës D, të tilla si peshq deti, salmon, ton, skumbri, kërpudha shiitake dhe fruta deti, por mënyra optimale për të ngritur nivelet e vitaminës D tuaj, siç tregon studimi, është përmes ekspozimit ndaj dritës së diellit natyror .
Megjithatë, nuk është gjithmonë e mundur të marrim dritën e duhur të diellit që na nevojitet për shkak të vendit ku jetojmë, ekranit mbrojtës të diellit që veshim, dhe stinës së vitit. Prandaj preferohet një shtesë të vitaminës D3 me cilësi të lartë ,e cila mund te percaktohet nga mjeku juaj.
7. Omega-3
Një studim i kryer nga Universiteti i Oksfordit zbuloi se omega-3 mund t’ju ndihmojnë të merrni gjumë më të thellë dhe më çlodhës.Disa burime ushqimore të omega-3 janë farat chia, farat e kungullit, farat e kërpit, arrat, halibut, salmon dhe farat e lirit.
8. Melatonin
Melatonin është një hormon që rregullon ciklet e gjumit tuaj dhe mund të gjendet në sasi të vogla në disa ushqime, ndërsa të tjerat gjithashtu mund të ndihmojnë në rritjen e prodhimit të melatoninës së trupit tuaj. Qershitë radhiten burime të ushqimit me sasinë më të lartë të melatoninës, por ekziston gjithashtu një sasi gjurmë që gjendet tek arrat. Disa nga ushqimet për të cilat natyrisht rrit nivelin e melatoninës së trupit tuaj janë dhe ananasi , banane dhe portokall.
9. Vitamina B6
Kjo vitaminë thelbësore ndihmon për të moduluar reagimin ndaj stresit të trupit tuaj dhe për të qetësuar sistemin tuaj nervor.Disa nga burimet më të mira të vitaminës B6 janë: bananet, jogurti , djathë, gjalpë kikiriku, bajame, avokado, peshk, domate, spinaq, patate të ëmbla, frutat e detit dhe vezët.
Sigurisht, ka shumë ushqime dhe lëndë ushqyese të tjera që janë të rëndësishme për shëndetin e njeriut. Gjëja e shkëlqyeshme për të ngrënë ushqime të drejta është që ju do të merrni një mori të ushqyesve të tjerë të kombinuara së bashku me ato që u cekën më lart – të gjitha në një formë të shijshme, të freskëta dhe bio.
