Disponueshmëria e vaksinave ka sjellë shpresë për fundin e pandemisë. Megjithatë, vdekjet dhe rastet e COVID janë ende te pranishme në të gjithë botën. Ndërsa përpiqemi të imunizojmë botën, skenari më i mundshëm për disa vitet e ardhshme është që COVID-19 do të jetë si sëmundje të tjera infektive, të tilla si gripi, nga të cilat do të duhet të mbrohemi vazhdimisht.
Një nga mënyrat më të mira për ta bërë këtë është duke qenë aktiv fizikisht.
Ne tashmë e dimë që aktiviteti fizik është një nga mënyrat më efektive për të parandaluar sëmundjet kronike, së bashku me dietën dhe lënien e duhanit. Një studim nga 2008 zbuloi se pasiviteti fizik është përgjegjës për më shumë se pesë milion vdekje të parakohshme çdo vit.
Tani, një rishikim i ri sistematik tregon se aktiviteti i rregullt fizik forcon sistemin imunitar të njeriut, zvogëlon rrezikun e sëmundjeve, si dhe të vdekjeve nga sëmundjet infektive, dhe rrit ndjeshëm efektivitetin e vaksinimit.
Janë gjetur prova të qëndrueshme dhe bindëse në 6 studime, që përfshijnë më shumë se gjysmë milioni pjesëmarrës. Ata i përmbushnin udhëzimet e rekomanduara për aktivitetin fizik, të cilat kanë zvogëluar rrezikun e sëmundjeve infektive, duke përfshirë Covid me 37%.
Gjithashtu janë gjetur prova se aktiviteti i rregullt fizik forcon sistemin imunitar të njeriut. Kjo pasi një aktivitet i rregullt fizik ndikon në nivelet e larta të Imunoglobulinës (IgA), një antitrup që mbulon membranën mukozale të mushkërive dhe pjesëve të tjera të trupit tonë ku mund të hyjnë viruset dhe bakteret.
Një person që është aktiv ka 50% më shumë gjasa të ketë një numër më të lartë të antitrupave pas vaksinës sesa dikush që nuk është aktiv.
Si mundet aktiviteti fizik të largojë sëmundjet?
Ekzistojnë tre mekanizma që e bëjnë aktivitetin fizik një ilaç efektiv kundër sëmundjeve infektive.
Së pari, mbron nga faktorët e infeksionit të rëndë dhe fatal. Njerëzit fizikisht aktivë kanë më pak të ngjarë të vuajnë mbipesha, diabeti, gjendje të rënduara të frymëmarrjes dhe sëmundje kardiovaskulare. Studimet epidemiologjike kanë treguar se COVID-19 dhe sëmundjet e tjera infektive të frymëmarrjes janë më të rënda për njerëzit që kanë këto gjendje.
Aktiviteti fizik gjithashtu zvogëlon stresin dhe inflamacionin kronik, nga ana tjetër zvogëlon gjasat e infeksioneve anësore dhe fatale. Shumica e fatkeqësive të COVID-19 dhe pneumonisë kanë qenë si rezultat i përgjigjes inflamatore të pakontrolluar.
Çdo lëvizje vlen për të luftuar këtë pandemi dhe për të menaxhuar sëmundjet infektive në të ardhmen.
