Agjencia Evropiane e Barnave (EMA) ka bërë një rekomandim për mjekët që të shmangin heparinën në trajtimin e mpiksjeve të rralla të gjakut dhe trombociteve të ulëta në pacientët që kanë marrë vaksinën AstraZeneca ose Johnson and Johnson.
Rregullatori mjekësor evropian, në një deklaratë që dëshiron të rrisë ndërgjegjësimin në lidhje me trajtimin e duhur, u përqendrua në rekomandimin e Shoqërisë Ndërkombëtare për Trombozë dhe Hemostazë (ISTH), i cili arriti në përfundimin se në rast të dyshimit të mpiksjes së gjakut në lidhje me vaksinën, trajtimi duhet të fillojë me antikoagulues jo-heparinë.
EMA nuk rekomandon një dozë të dytë të AstraZeneca në rast të mpiksjes së gjakut.
"Për veprim në rast dyshimi (për trombozë me sindromën trombocitopeni), veçanërisht nëse nuk ka rekomandime lokale, grupi i punës rekomandon punonjësve shëndetësorë të marrin në konsideratë rekomandimet e përkohshme të ISTH," tha EMA.
Rekomandimi i EMA, i cili thekson udhëzimet e ISTH, është në përputhje me rekomandimet e Administratës Amerikane të Ushqimit dhe Barnave (FDA) dhe Qendrat për Kontrollin dhe Parandalimin e Sëmundjeve (CDC), të cilat lëshuan paralajmërime kundër përdorimit të heparinës në raste të tilla pasi që ajo përkeqëson gjendjen.
Antikoagulantët alternativë përfshijnë fondaparinux ose argatroban.
