Të gjithë e dimë se deti ka veti shëruese, por janë të paktë ata që ia dalin ta kuptojnë se një rëndësi të madhe këtu luan kripa, që gjendet në ujin e detit.
Por, kjo është ditur që nga lashtësitë. Kripa e detit është e pasur me rreth 80 minerale të ndryshme, me karbonate dhe sulfate, e përmban edhe kalcium, kalium, natrium, brom, mangan, magnez, jod, hekur, fluor, etj. Të gjithë këta përbërës janë të domosdoshëm për zhvillimin e organizmit tonë.
Kripa e detit ndihmon te reaksionet alergjike, meqë ka veti antiseptike dhe antihistaminike, për çka përdoret me sukses për trajtimin e të gjitha alergjive.
Kripa nxitë organizmin që t'i nxjerrë jashtë substancat helmuese dhe e stimulon metabolizmin. Kripa e detit e bën lëkurën më shkëlqyese, të kadifenjtë, falë mineraleve që lidhen për lëkure. Kripa është e dobishme edhe për mendjen e njeriut. Banja në ujë me kripë deti qetëson mendjen dhe freskon në aspektin psikik, prandaj lufton me sukses stresin dhe depresionin.
