Edhe zogjtë në degë e dinë se kafjalli është shujta më e rëndësishme e ditës. Mirëpo, shumica nuk e kanë idenë se çfarë duhet konsumuar në mëngjes, sidomos nëse dëshirojnë të humbin në peshë. Ekziston një ushqim që mund të jetë aleati juaj për humbje në peshë, sidomos në hapësirën e belit. Një studim nga viti 2008 ka treguar se pjesëmarrësit që kanë konsumuar vezë për kafjall në vend të pjekurinave kishin humbur në peshë dhe numrin më të madh të centimetrave në hapësirën e belit
JANË PËRPLOT ME PROTEINA
Kafjalli duhet të jetë shujtë plot me proteina, për të qenë të ngopur deri në drekë. Shumë ekspertë konsiderojnë se gjatë kafjallit duhet të konsumoni së paku 20 gramë proteina që të jemi të ngopur dhe për ta përshpejtuar metabolizmin. Lajmi i mirë është se një vezë përmban rreth 6 gramë proteina.
VEZËT JANË ZGJEDHJE PRAKTIKE DHE E SHËNDETSHME
Kur jeni të uritur dhe keni nevojë që të përtypni diçka, një vezë e zier fort është zgjedhja e duhur. Janë zamër e shpejtë me pak kalori dhe ju mban të ngopur deri në shujtën tjetër.
