Ndoshta është mirë kur ta shihni diellin në këto ditë nëntori dhe me mëngët shkurtra të shijoni rrezet e diellit, por kështu dobësoni imunitetin. Kur sezoni i gripit dhe i viruseve tashmë është midis nesh, ka rëndësi të madhe që në mënyrë natyrale ta forconi imunitetin
KONTROLLIMI I STRESIT
E dimë se është e vështirë, por provoni ta kontrolloni stresin. Merrni frymë thellë, numëroni deri në dhjetë dhe mendoni se çfarë do të thotë që shëndetin tuaj ta shpëtoni nga reaksioni i shpejtë. Shëtisni, në tavolinën e punës vendosni një foto që ju kujton diçka të bukur.
LËVIZNI MË SHUMË
Nuk keni pse ta paguani palestrën për të qenë aktivë. Shëtisni, vraponi, disa herë në javë ushtroni në shtëpi, luani me fëmijët. Me rëndësi është që organizmi juaj të jetë në lëvizje, të merrni më shumë oksigjen, që muskujt të jenë më aktivë dhe ta përmirësoni qarkullimin e gjakut.
USHQEHUNI SHËNDETSHËM DHE FLINI MJAFTUESHËM
Më mirë blini 100 gramë ushqim cilësor se 300 gramë ushqime të dëmshme. Shmangni ushqimin e shpejtë, të përgatitur nga të tjerët. Hani pemë e perime. Nëse nuk flini tetë orë, atëherë truri nuk pushon sa duhet. Në mbrëmje pini çaj mente ose kamomili.
