Shumica e meshkujve bëjnë dy gjëra kur shkojnë në tualet, ose thjesht tundin “mjetin”, ose e fshijnë me letër higjienike
Statistikat tregojnë se vetëm një e treta e burrave në botë fshijnë organet gjenitale pas urinimit. Shumica e anëtarëve të seksit më të fortë “shkundin” urinën nga organet vetëm kur të kenë kryer punën e tyre dhe kur ta kthejnë përsëri në brekë.
Pra, cila nga këto dy metoda është “më e shëndetshme”? Cila është mënyra më e mirë për të larguar urinën nga organet gjenitale?
Urina që mbetet në kokën e penisit mund të shkaktojë komplikime të shumta – shfaqjen e baktereve, madje edhe uretritisin, pra të parrethprerët janë veçanërisht të rrezikuar.
Uretriti është një inflamacion i kanalit të urinës i cili gjendet në penis, i cili shkaktohet nga bakteret. Këta “sulmues” hyjnë në uretër nga mjedisi i jashtëm dhe mund të përhapen në fshikëz dhe prostatë, gjë që rezulton në shfaqjen e prostatitit dhe cistitit.
Gjithashtu, kjo gjendje ndodh si pasojë e zmadhimit të prostatës te meshkujt më të vjetër se 40 vjet.
Dr. Alex Shteynshlyuger, drejtor i urologjisë në një klinikë të specializuar në Nju-Jork, thotë se ekziston një mënyrë e tretë për të hequr urinën e tepërt, dhe të cilin e bëjnë një numër më i vogël i meshkujve – ushtrohet presion në majë të penisit ose perineumit në mënyrë që të nxjerrë urinën e mbetur nga uretra.
Mirëpo, megjithëse kjo metodë është miratuar nga komuniteti mjekësor, nuk ndihmon për të hequr pikat e fundit të mbetura në kokë të penisit.
Përveç kësaj, shton Shteynshlyuger, burrat që kanë nevojë për këtë metodë “ndoshta vuajnë nga problemet urinare që mund të shërohen”.
Sipas urologut, metoda e fshirjes me letër higjienike dhe “tundja” janë po aq efektive, dhe të dyja kanë avantazhet dhe disavantazhet e tyre. Fshirja e organit gjenital mund të çojë që në të të mbeten pjesë mikroskopike të letrës higjienike, por të cilat mund të shkaktojnë skuqje.
Burrat e parrethprerë që kanë një tendencë më të lartë ndaj infeksioneve janë në rrezik të veçantë nga ky fenomen. Nga ana tjetër, “shkundja” e organit shpesh bën rrëmujë në tualet, pavarësisht se sa shumë përpiqet një burrë të jetë “i saktë”.
“Të dyja metodat kanë përparësitë dhe të metat e tyre dhe në përgjithësi nuk ka asnjë rekomandim të fortë në kuptimin cila është më mirë,” përfundon Shteynshlyuger dhe shton:
“Për sa kohë që ruhet higjiena optimale dhe zona lahet çdo ditë me sapun dhe ujë, rreziqet janë minimale.”
