Rezultatet nga një studim i ri tregojnë se aftësia e një personi për të humbur kilogramë mund të ketë të bëjë me atë që është në zorrët e tij, veçanërisht me mikrobiomin e tij.
Mikrobiomet janë mikroorganizma që ndihmojnë në zbërthimin e ushqimit. Ato janë materiali gjenetik i të gjitha mikrobeve: baktereve, kërpudhave, protozoave dhe viruseve, që jetojnë edhe brenda trupit të njeriut.
Hulumtuesit nga Instituti për Sistemet e Biologjisë në Seattle vendosën të hedhin një vështrim se çfarë roli mund të luajë mikrobioma kur vjen puna te humbja e peshës.
Shkencëtarët gjurmuan mikrobiomin bazë të 105 njerëzve që po përpiqeshin të humbnin peshë dhe zbuluan se pavarësisht se i gjithë grupi zbatonte ndryshime në dietë më të shëndetshme, afërsisht gjysma e tyre nuk humbën peshë.
Duke parë mikrobiomin bazë të zorrëve të pjesëmarrësve, studiuesit zbuluan se njerëzit, trupat e të cilëve ishin rezistentë ndaj humbjes së peshës kishin mikrobiomë me ritme më të ulëta të rritjes bakteriale sesa homologët e tyre.
“Së paku, kjo punë mund të çojë në diagnostikim për identifikimin e individëve që do t’i përgjigjen mirë ndryshimeve të moderuara të jetesës së shëndetshme dhe atyre që mund të kërkojnë masa më drastike për të arritur humbje peshe”, ka thënë profesori i këtij instituti Dr. Sean Gibbons në një deklaratë.
