Muzika mund të jetë terapeutike në shumë mënyra.
Zakonisht psikologët e përdorin muzikën për të qetësuar njerëzit e varur nga droga dhe alkooli, kur ata janë në një fazë rehabilitimi.
Sipas një studimi, është gjetur se mësimi i pianos apo vetëm luajtja kot në tastier mund të ndihmojë shumë për shëndetin mendor dhe fizik.
Përmison humorin
Depresioni është shumë i zakonshëm ditëve të sotme dhe është kthyer në një aftësi kryesore të paaftësisë në mbarë botën. Nëse nuk trajtohet, mund të çojë në probleme të tjera serioze shëndetësore si dieta e dobët dhe abuzimi me substancat.
Megjithatë, të mësuarit për të luajtur piano mund të zvogëlojë simptomat e depresionit, sipas hulumtimit që ka shqyrtuar përfitimet e pianos tek të rriturit mbi moshën 65 vjeç. Një studim zbuloi se edhe me një pacient që kishte depresion të rëndë që manifestohej me simptoma psikotike, vetëm një mësim i vetëm i pianos ia përmirësoi disponimin dhe njohjen.
Në mënyrë të ngjajshme, një studim tjetër i kryer në SHBA ka zbuluar se të mësuarit piano o vetëm që ndihmoi disponimin e njerëzve, por uli lodhjen dhe shqetësimin e tyre. Efekte të tjera pozitive të lidhura përfshijnë: vetëbesim më të mirë; një ndjenjë më e madhe pavarësie; ulje të ndjenjave të izolimit dhe lehtësim të përkohshëm të stresit.
Reduktimi i stresit dhe ankthit
Përveç që shërben si një trajtim holistik efektiv për depresionin, praktika e pianos mund të lehtësojë stresin dhe ankthin, ka treguar hulumtimi.
Një studim i kryer në vitin 2011 ka gjetur se piano redukton stresin në mënyrë më të madhe se kaliografia ose artet tjera.
Ajo ul nivelin e kortizolit, hormonit të stresit dhe nivelin e ankthit.
Funksionimi më i mirë i trurit
Studime të shumta në Shkollën Mjekësore të Harvardit në bashkëpunim me Beth Israel Deaconess kanë treguar se mësimet e pianos mund të ndihmojnë trurin e njerëzve të përpunojë në mënyrë më efikase informacionin dhe të mësojë aftësi të reja
Jo vetëm kaq, mësimi i pianos mund të ndihmojë edhe në parandalimin e plakjes, duke përmisuar kështu kujtesën dhe funksionimin e trurit.
Forcon aftësinë për të qenë më të shkathët
Një hulumtim tjetër amerikan, ka gjetur se luajtja në piano mund të ndihmojë të mbijetuarit e sulmit në tru dhe të rriturit me osteoartrit. Në rastin e parë, mësimet e pianos përmirësonin koordinimin e lëvizjeve të gishtave, shkathtësinë manuale dhe përdorimin e ekstremiteteve të sipërme. Në rastin e dytë, praktikat 30-minutëshe në një tastierë elektronike katër herë në javë çuan në një ulje të dhimbjes dhe një rritje të forcës dhe shkathtësisë së gishtit. Këto përmirësime nga ana tjetër mund të ndihmojnë të moshuarit me funksionet e jetës së përditshme që kërkojnë aftësi të shkëlqyera motorike.
