Gjumi i rregullt mund të ketë efekte kundër diabetit. Në fakt një studim i ri i publikuar në revistën Sleep Health tregon se gjumi shumë pak ose shumë i gjatë lidhet me diabetin e tipit 2.
Studimi përfshiu 5 561 individë të moshës midis 40 dhe 75 vjeç, të regjistruar si pjesë e studimit të Mastrihtit.
Studiuesit në Universitetin e Mastrihtit përdorën një test të tolerancës së glukozës për të vlerësuar gjendjen e metabolizmit të glukozës së pjesëmarrësve pas një agjërimi gjatë natës.
Për të vlerësuar kohëzgjatjen e gjumit, pjesëmarrësit mbanin një pajisje të quajtur akselerometër në kofshën e tyre për tetë ditë rresht.
Rezultatet zbuluan se gjasat për të patur diabet të tipit 2 ishin më të mëdha sa më shumë kohëzgjatja e gjumit ishte nga 8 orë, pavarësisht nëse flini më pak ose më gjatë.
Kjo lidhje vazhdoi edhe pas llogaritjes së faktorëve të tillë si pirja e duhanit, konsumi i alkoolit, dieta dhe aktiviteti fizik.
“Studimi ynë përforcon të kuptuarit në rritje të rëndësisë së mundshme të gjumit në kontekstin e diabetit të tipit 2”, shpjegon autori kryesor Jeroen Albers.
Në mënyrë të veçantë, gjetjet nxjerrin në pah një lidhje midis kohëzgjatjes së gjumit dhe diabetit, pavarësisht nga faktorët e tjerë të rrezikut të stilit të jetesës.
‘’Kjo ndihmon për të kuptuar rëndësinë e kultivimit të zakoneve të shëndetshme të gjumit. Ka mekanizma të shumtë fiziologjikë që mund të shpjegojnë lidhjen e vëzhguar midis kohëzgjatjes më të shkurtër dhe më të gjatë të gjumit dhe diabetit të tipit 2’’, shton ai.
