Gratë me sklerozë multiple (MS) përballen me një rrezik më të lartë për çrregullime mendore peri-natale krahasuar me ato që kanë kushte të tjera kronike, sipas një studimi të ri që analizon mbi 890,000 lindje në Ontario.
Hulumtimi i publikuar në revistën “Neurology”, hedh dritë mbi sfidat e shëndetit mendor që përballen gratë me MS gjatë shtatzënisë dhe vitin e parë pas lindjes, shkruan burimi Health Day.
Duke përdorur të dhëna shëndetësore të bazuara në popullatë nga ICES, studimi zbuloi se 8% e grave me MS përjetuan një çrregullim të ri mendor gjatë shtatzënisë, duke arritur në 14% gjatë vitit të parë pas lindjes. Depresioni dhe ankthi ishin kushtet më të shpeshta që u raportuan.
“Gjetjet tona theksojnë rrezikun e shtuar të nënave me MS për çrregullime mendore, duke theksuar nevojën e përdorimit të strategjive parandaluese,” tha autorja kryesore, Dr. Ruth Ann Marrie, kryesuesja e katedrës për hulumtime klinike të sklerozës multiple në Universitetin Dalhousie.
Gjetjet kyçe:
– Gratë me MS kishin një incidencë 26% më të lartë të çrregullimeve mendore gjatë shtatzënisë dhe një rrezik 33% më të lartë gjatë vitit të parë pas lindjes krahasuar me gratë shtatzëna pa MS, pasi janë marrë parasysh faktorë të tillë si mosha, statusi socio-ekonomik dhe komplikimet obstetrike.
– Çrregullimet mendore ndikuan 42% të gratë me MS gjatë shtatzënisë dhe 50% gjatë vitit të parë pas lindjes, krahasuar me 30% të grave pa MS gjatë shtatzënisë dhe 38% gjatë vitit të parë pas lindjes.
– Rreth 1% e grave me MS përjetuan psikozë dhe gati 6% zhvilluan çrregullime të përdorimit të substancave brenda një viti pas lindjes.
