Në rrjetet sociale, veçanërisht në TikTok, ka shumë video në të cilat influencer pak a shumë të famshëm filmohen teksa pinë ujë të ngrohtë me lëng limoni, duke renditur një sërë përfitimesh të kësaj pije, shkruan salute.it.
Sipas tyre, mjafton vetëm një javë konsumim i përditshëm i ujit të ngrohtë me limon për të filluar të digjni më shumë kalori, të jeni më të hidratuar, të eliminoni më shumë toksinat dhe të forconi sistemin imunitar.
Gjithashtu premton tretje më të mirë, më pak fryrje, lëkurë më të lëmuar, më shumë energji dhe përqendrim.
Por, a janë vërtet kështu gjërat?
Përfitimi kryesor ushqyes i ujit të ngrohtë me limon është se ai ndihmon në ruajtjen e hidratimit të mirë. Kjo është veçanërisht e dobishme në mëngjes, kur trupi është i privuar nga lëngjet gjatë gjithë natës.
“Hidratimi është thelbësor për rregullimin e temperaturës së trupit, lubrifikimin dhe mbrojtjen e kyçeve dhe eliminimin e produkteve të mbeturinave përmes proceseve të tilla si djersitja dhe urinimi. Por a mund të mjaftojë vërtet një gotë ujë i ngrohtë me limon për të humbur peshë?, shpjegon nutricionisti Nicola Sorrentino, drejtor shkencor i Akademisë së Ushqimit në Milano.
“Nëse pihet ujë i ngrohtë me limon në vend të një pijeje me kalori më të lartë, siç është një kafe me sheqer, atëherë mund të ndihmojë në humbjen e peshës, por në realitet nuk ka asnjë provë të fortë shkencore që të tregojë se uji i ngrohtë me limon ka ndonjë efekt të drejtpërdrejtë në humbje peshe ose metabolizëm,” përgjigjet Sorrentino.
