Në Lagjen 14 në Tiranë, në bulevardin Migjeni, rrugë e re e hapur pak kohë më parë ne Yzberisht, është improvizuar votimi i qytetarëve në kontenier.
Për shkak të mungesës së institucioneve autoritetet kanë vendosur që proçesi i votimit të zhvendoset në një kontenier çka ka shkaktuar edhe grumbullime të mëdha pasi janë rreth 17 qendra votim.
Proçesi i votimit të qytetarëve po ecën me ritme të ngadalëta ndërsa qytetarët janë të shumtë në radhë dhe distanca për shkak të covid-19 nuk respektohet siç duket dhe në pamje.
Improvizimi i tillë me kontenier ka çorodituri disi edhe qytetarët pasi fillimisht duhet të gjejnë emrin e më pas të mbajnë radhën për të votuar ndërkohë që temperaturat këtë të dielë janë në rritje.
