Sipas MeteoAlb, vendi ynë do të jetë nën 'pushtetin' e vranësirave dhe reshjeve të dendura.
Deri në orët e pasdites moti parashikohet të jetë kryesisht i vranët shoqëruar me reshje shiu të herëpashershme me intensitet të ulët e mesatar në formë shtrëngatash.
Në orët e mbrëmjes, përgjatë vijës bregdetare dhe kryesisht zonën e jugut reshjet do të fitojnë intensitet deri të lartë në formën e rrebesheve shoqëruar me shkarkesa elektrike. Në pjesën tjetër të vendit reshjet e shiut do të jenë me intensitet mesatar.
Përgjatë vijës bregdetare dhe zonat luginore parashikohet edhe erë intensive me drejtim verilindje – juglindje dhe shpejtësi deri në 15-18m/s, erë e cila mund të jetë problematike në disa zona. Temperaturat do të variojnë në vlerat 14 dhe 21 gradë celsius.
