Një banore tridhjetë e dy vjeçare ngs Spanja, e kërkuar me urdhërarrest nga Interpoli, dje është gjetur në një hotel në Strugë, njoftoi SPB Ohër.
Sipas informacionit të zëdhënësit Stefan Dimoski, nëpunësit policor nga stacioni policor Strugë dhe Sektori për bashkëpunim policor ndërkombëtar e kanë gjetur K.M.T. e cila pas bisedës së realizuar ka theksuar se pa pëlqimin e saj është mbajtur e mbyllur në një dhomë të hotelit.
“Në Strugë ka arritur përmes Tiranës pas marrëveshjes paraprake me Sh.S.(29) nga fshati Radolishta të Strugës pas së cilës Sh.S. pa pëlqimin e saj disa ditë e ka mbajtur në dhomë të një hoteli në Strugë dhe e ka detyruar në marrëdhënie seksuale. Mbrëmë në orën 21:30 minuta në stacionin policor-Strugë është arrestuar Sh.S. dhe me të është realizuar bisedë zyrtare”, deklaroi sot Dimoski.
Për rastin, shtoi, është njoftuar Prokurori publik dhe pas zbardhjes së plotë do të ngritet padi përkatëse.
