Një shqiptar është lejuar të qëndrojë në Mbretërinë e Bashkuar, sepse djali i tij mund të ketë paaftësi në të mësuar. Djali i Blendi Axhamit lindi në Britaninë e Madhe në vitin 2017, vetëm pak vite pasi babai i tij, i dënuar kishte mbërritur ilegalisht në MB.
Për djalin e mitur kujdeset kryesisht nëna e tij, ndërsa Axhami një herë në javë për djalin.
Tani, ka dalë në dritë se babait i është dhënë një dënim me 8 vjet burg në Shqipëri për një krim të paspecifikuar - për të cilin Home Office u përpoq t'a largonte.
Megjithatë, i dënuari ishte në gjendje t'i rezistonte dëbimit duke përdorur justifikimin se djali i tij aktualisht po trajtohet "sikur të ishte autik" dhe aktualisht po pret për diagnozën përfundimtare.
Dokumentet zyrtare kanë zbuluar se shqiptari fillimisht aplikoi për të qëndruar në Britaninë e Madhe pas lindjes së djalit të tij, por nuk deklaroi dënimin e tij të mëparshëm.
Historia e tij kriminale u zbulua pasi u arrestua dy herë në vitin 2021 dhe u akuzua për një akuzë për posedim droge të klasit A.
Si rezultat, Home Office hodhi poshtë kërkesën e tij për "leje për të qëndruar".
Gjykatësi i Gjykatës së Ulët, Angharad Lloyd-Laërie vendosi se djali i shqiptarit "do të përballej me shqetësime të konsiderueshme" nëse babai i tij ekstradohej.
Zyra e Brendshme më pas nisi një apel kundër vendimit, por çështja u hodh poshtë në fillim të këtij viti në janar.
Një zëdhënës i Zyrës së Brendshme konfirmoi se departamenti e ndoqi rastin në rrugën e duhur përmes sistemit të gjykatës.
