LIVE: Tensione të mëdha – ky është dështimi i radhës i Rusisë

Linja e tramvajit, që e drejton Yelena Sabirova, është njëra ndër të paktat që ende qarkullon nëpër labirintin e barrikadave dhe pikave të kontrollit në Kiev.

Bregu lindor i klasës punëtore është rajon ku ndodhen lagjet më të fjetura të banimit në kryeqytetin ukrainas, dhe po ashtu disa prej fabrikave të tij më të mëdha.

Por, gjatë udhës së rregullt të tramvajit tani shihen dyqane të mbyllura dhe grumbuj rrënojash.​

Forcat ruse kanë avancuar më thellë në qytetin port ukrainas të Mariupolit, i cili ishte i rrethuar dhe i dëmtuar, ku për shkak të luftimeve rtë ashpra është mbyllur fabrika e madhe e çeliku, ndërkaq që autoritetet lokale po bëjnë thirrje për më shumë ndihmë nga Perëndimi.

Në rast se do të binte Mariupoli, qytet ky i cili ka qenë skenë e vuajtjeve më të këqija të luftës, do të shënonte përparim të madh për rusët, të cilët kryesisht kanë ngecur jashtë qyteteve të mëdha, për më shumë se tre javë që nga nisja e pushtimit më të madh tokësor të Evropës që nga Lufta e Dytë Botërore.

“Po vdesin fëmijët, personat e moshuar. Qyteti është shkatërruar dhe po fshihet nga faqja e dheut”, tha zyrtari policor në Mariupol, Michail Vershnin, i cili u është drejtuar liderëve perëndimor parme një videoje të regjistruar në rrugët e shkatërruara të këtij qyteti.

Forcat ruse tashmë e kanë shkëputur qytetin nga Deti Azov dhe rënia e tij do të lidhë Krimenë me Rusinë, të cilën Moska e aneksoi në 2014.

Ky do të shënonte një avancim të rrallë në dritën e rezistencës së fuqishme ukrainase që ka shuar shpresat e Rusisë për të shënuar një fitore të shpejtë.

Forcat ukrainase dhe ruse kanë luftuar për fabrikën e çelikut Azovstal në Mariupol, tha të shtunën Vadym Denysenko, një këshilltar i ministrit të Brendshëm të Ukrainës.

“Një nga uzinat më të mëdha metalurgjike në Evropë, në fakt, është shkatërruar”, tha Denysenko në një fjalim televiziv.

Oleksiy Arestovych, këshilltar i presidentit ukrainas, tha se forcat më të afërta që mund të ndihmojnë mbrojtësit e Mariupolit, tashmë po luftojnë kundër “forcës superiore të armikut” apo në një distancë prej të paktën 100 kilometrash.

“Aktualisht, nuk ka zgjidhje ushtarake për Mariupolin”, tha ai të premten vonë.

“Nuk është vetëm mendimi im, është mendimi i ushtrisë”.

Presidenti ukrainas Volodymyr Zelenskiy i kërkoi Zvicrës të godasë oligarkët rusë, të cilët ai tha se po ndihmonin në luftën kundër vendit të tij nga siguria e "qyteteve të bukura zvicerane", shkruan The Guardian, përcjell Bota sot.

Në një fjalim audio-lidhje për mijëra pjesëmarrës në një protestë kundër luftës në Bernë, Zelenskiy falënderoi Zvicrën për mbështetjen e saj që kur Rusia nisi pushtimin e saj në Ukrainë, por gjithashtu kishte një gjuhë të qartë për sektorin financiar zviceran, raporton Reuters.

“Ukrainasit ndjejnë se çfarë është kur qytetet shkatërrohen. Ata po shkatërrohen me urdhër të njerëzve që jetojnë në Evropë, në qytete të bukura zvicerane, të cilët gëzojnë pronë në qytetet tuaja.

Do të ishte vërtet mirë që t'u hiqej këtë privilegj.” Zvicra, e cila nuk është anëtare e Bashkimit Evropian, ka miratuar plotësisht sanksionet e BE-së kundër individëve dhe subjekteve ruse, duke përfshirë urdhrat për ngrirjen e pasurisë së tyre në bankat zvicerane.

Italia ka ofruar të ndihmojë në rindërtimin e teatrit të dëmtuar të Mariupolit gjatë një telefonate të premten, sipas ministrit të kulturës të Ukrainës.

Ministri italian i Kulturës Dario Franceschini shkroi në Twitter pas telefonatës së tij me video me ministrin ukrainas të kulturës Oleksandr Tkachenko se Këshilli i Ministrave italian miratoi një propozim për t'i siguruar Ukrainës burimet për rindërtimin e teatrit të mërkurën.

“Teatrot e të gjitha vendeve i përkasin të gjithë njerëzimit”, shtoi Franceschini, shkruan CNN, përcjell “Bota sot”.

Qindra ukrainas, duke përfshirë shumë fëmijë, po strehoheshin brenda teatrit kur u bombardua të mërkurën.

"Ministri Franceschini siguroi se Italia ka solidaritet të plotë me Ukrainën. Ai shprehu mbështetjen për shtetin tonë dhe ofroi bashkëpunim me ekipet tona krijuese gjatë luftës," shkroi Tkachenko në Telegram pas thirrjes.

“Së bashku, ministritë tona në Ukrainë dhe Itali do të rindërtojnë Teatrin e Dramës Mariupol menjëherë pas fitores së Ukrainës ndaj pushtuesve ruse”, shkroi ai.

Dhjetra ushtarë ukrainas dyshohet se kanë vdekur pasi një bazë ushtarake u sulmua në qytetin jugor të Mykolaiv.

Deri në 200 trupa mendohet se kanë qenë brenda kazermave kur ata u vunë në shënjestër të premten, përcjell “Bota sot”.

Të paktën 50 trupa janë gjetur, tha një ushtarak ukrainas për agjencinë e lajmeve AFP.

“Nuk e dimë se sa të tjerë janë në rrënoja”, shtoi ai.

Një burrë është shpëtuar nga rrënojat e një ndërtese në qytetin verilindor të Kharkiv.

Ky shpwtim erdhi pasi u bombardua nga Rusia të premten, shkruan BBC, përcjell “Bota sot”.

"Unë rashë dhe mbulova kokën time”, thotë qytetari.

"Isha me fat që [ndërtesa] ra në një mënyrë që nuk më shtypi," thotë ai.

Ushtria ukrainase, ka publikuar pamje të reja nga shkatërrimet e pajisjeve ruse detare dhe tokësore dhe ushtarët e vrarë rusë.

"Më shumë pamje rreth VKS të Federatës Ruse, detit dhe tokës. #stoprusia", shkruhet në postimin e Shtabit të Përgjithshëm të Forcave të Armatosura të Ukrainës, në Facebook.

Sipas të dhënave të ukrainasve, që nga fillimi i luftës në Ukrainë janë vrarë 14, 400 ushtarë rusë, përcjell Bota sot.

Humbjet totale luftarake të armikut nga 24 shkurt deri më 19 mars:

446 tanke

1470 makina të blinduara luftarake / APV 

213 sisteme të artilerisë

72 RSZV / MLRS - 72 

44 PPO / Sisteme luftarake kundërajrore

95 avionë

115 helikopterë 

914 pajisje makinash / automjetesh

3 copë anije / varka 

60 rezervuari PMM 

17 Niveli operativ-taktik UAV 

11 Pajisje speciale

Ukraina i ka bërë thirrje Kinës që t'i bashkohet Perëndimit për të dënuar pushtimin rus, pasi vendi ka kërkuar të mbajë një distancë diplomatike nga lufta.

"Kina mund të jetë një element i rëndësishëm në sistemin global të sigurisë, nëse merr vendimin e duhur të mbështesë koalicionin e vendeve të civilizuara dhe të dënojë barbarizmin e Rusisë", shkroi në Twitter këshilltari presidencial ukrainas Mykhailo Podolyak.

Kina më parë zgjodhi të abstenonte në një votim të OKB-së që dënonte pushtimin e Rusisë dhe zyrtarët amerikanë thanë së fundmi se Kina kishte sinjalizuar një gatishmëri për të ofruar ndihmë ushtarake për Rusinë, shkruan BBC, përcjell “Bota sot”.

Në një telefonatë dy-orëshe me presidentin e Kinës Xi Jinping të premten, presidenti amerikan Joe Biden tha se çdo mbështetje që i jepet Rusisë nga Pekini do të ishte e kushtueshme.

Leva e SHBA-së mbi Kinën është e kufizuar, megjithatë, dhe leximet nga të dyja palët sugjerojnë se thirrja nuk arriti shumë.

Të evakuuarit nga qyteti port jugor, Mariupoli kanë folur për shkatërrimin e shkaktuar në qytetin e tyre pas bombardimeve të rënda ruse.

“Nuk ka Mariupol,” tha Lyudmyla, një mësuese angleze 54-vjeçare, për agjencinë e lajmeve Reuters.

Ajo tha se kanë qëndruar 10 ditë në bodrum.

“Kemi ndenjur 10 ditë në bodrum dhe nuk kemi dalë asnjë herë, as ujë, as rrymë nuk kemi pasur”.

Lyudmyla thotë se i mungojnë vërtet fëmijët që i mësonte.

“Nuk mund ta imagjinoj se çfarë të bëj tani”, u shpreh tutje ajo.

Edhe Sergiy, 44 vjeçar tha se qëndruar në bodrum dhe tregoi se kishte parë njerëz teksa vdisnin në rrugë.

“Kishte shumë njerëz që vdisnin në rrugë, trupa të pajetë ishin shtrirë aty”, tha ai.

Të paktën 112 fëmijë kanë humbur jetën në Ukrainë si pasojë e pushtimit rus.

Lajmin e kanë bërë me dije autoritetet e Kievit.

Ato shtuan se 140 fëmijë u plagosën pas agresionit ushtarak rus.

Ndërkohë ditën e djeshme në nder të fëmijëve që humbën jetën në qytetin e Liv u vendosën karroca foshnjash.