Rusia thotë se u largua nga Kievi, por Pentagoni lëshon paralajmërimin e fortë

Një oligark rus Roman Abramovich, u helmua më 3 mars teksa merrte pjesë në një takim për negociatat e paqes me Rusinë në emër të presidentit ukrainas Volodymyr Zelensky. Abramovich, një mik i madh i Vladimir Putinit, ishte së bashku me një tjetër oligark rus dhe deputetin ukrainas Rustem Umerov: të tre shfaqën simptoma si skuqje të syve, lotim të vazhdueshëm, kruarje të lëkurës në fytyrë dhe duar. Abramovich humbi shikimin për disa orë dhe më pas u trajtua në një spital turk. Ekspertët perëndimorë që kanë ekzaminuar rastin nuk kanë dyshime: ishte ose helmim, ose ekspozim ndaj substancave radioaktive. Por qëllimi nuk ishte të eliminohej oligarku: thjesht duhej trembur.

NDËRMJETËSIMI

Abramovich dhe dy negociatorët e tjerë tani janë mirë dhe kanë rifilluar ndërmjetësimin për paqen me guxim dhe këmbëngulje. Oligarku u takua me Putinin të mërkurën e kaluar, në një takim që përfundoi keq dhe që shkaktoi një reagim të furishëm nga kreu i Kremlinit. Pyetjes se kush ishte ai që donte të trembte ndërmjetësuesit, i jepet kjo përgjigje: me siguri elementet ruse të cilat duan të vazhdojë konflikti: jo domosdoshmërisht Putini, i cili, edhe pa e deklaruar, po përpiqet të dalë nga rrëmuja në të cilën është zhytur.

SIMPTOMAT

Tre negociatorët ndjenë simptomat e para të helmimit teksa ndodheshin në një apartament privat në Kiev, të angazhuar në një takim që zgjati disa orë. Megjithatë, nuk dihet nëse helmimi ka ndodhur në atë vend, gjë që duket mjaft e pamundur. Ata sapo ishin kthyer nga bisedimet që u zhvilluan përtej kufirit, në Bjellorusi, ose ndoshta në Moskë.

Lexo lajmin e plotë KËTU.

Britania ka ndaluar një super-jaht në pronësi të një rusi, tha zëdhënësi i kryeministrit, Boris Johnson.

“Departamenti i Transportit ka punuar ngushtë me Agjencinë Kombëtare të Krimeve dhe Byronë për Hetime Detare për të ndaluar super-jahtin”, tha zëdhënësi.

“Ne do të punojnë për të ndërmarrë veprime ndaj kujtdo që përfiton nga lidhjet ruse”, shtoi ai.

Zëdhënësi nuk tregoi se kujt i përkiste ky jaht i ndaluar në vlerë prej 38 milionë funtesh, i quajtur “Phi”.

Që prej se Rusia ka nisur pushtimin rus të Ukrainës më 24 shkurt, Mbretëria e Bashkuar ka vendosur sanksione të ashpra ndaj zyrtarëve në Moskë dhe individëve dhe entiteteve të lidhur me Kremlinin.

Shërbimet shtetërore të emergjencës në Ukrainë kanë thënë se tre persona janë vrarë në sulmin ajror në zyrat rajonale në Mykolaiv.

Në një postim në internet, shërbimet thanë se deri më tani 18 të mbijetuar ishin nxjerrë nga rrënojat në qytetin port jugor.

Mendohet gjerësisht se sulmi kishte në shënjestër liderin lokal Vitaliy Kim.

Ai nuk ishte në ndërtesë në atë kohë./G.B/

Ministria e Mbrojtjes së Rusisë tha të martën se kapacitetet ushtarake të Ukrainës kanë degraduar seriozisht.

Sipas Rusisë, faza e parë e “operacionit ushtarak” në Ukrainë ka përfunduar.

Moska i referohet pushtimit rus të Ukrainës si “operacion i posaçëm ushtarak”

Ministri i Mbrojtjes, Sergei Shoigu, gjatë një takimi me zyrtarët, paralajmëroi se Rusia do të përgjigjej nëse aleanca ushtarake e NATO-s do ta furnizonte Ukrainën me avionë dhe sisteme të mbrojtjes ajrore.

Përveç cilësimit të helmimit të dyshuar të miliarderit rus Roman Abramovich pjesë të "luftës së informacionit", ka pasur disa rreshta të tjera që kanë dalë nga Kremlini mëngjesin e sotëm, përmes Reuters.

 Zëdhënësi i Kremlinit Dmitry Peskov thotë:

Vladimir Putin ka "mbështetjen absolute" të popullsisë, me një rritje mjaft të madhe në të dhënat e sondazheve, shkruan BBC, përcjell “Bota sot”.

Dialogu midis SHBA-së dhe Rusisë përfundimisht do të jetë i nevojshëm, por marrëdhëniet në mënyrë të pashmangshme do të ndikoheshin nga "fyerjet personale" nga presidenti Joe Biden.

Rusia dëshiron të mbetet një furnizues i gazit, por kompanitë e huaja do të duhet të paguajnë rubla.

Ne do të dimë sot apo nesër nëse bisedimet e paqes, që po zhvillohen aktualisht në Turqi, janë premtuese./M.H.

Kremlini tha se shtetet që nuk respektojnë rregullin që të paguajnë me rubla për gazin rus, Rusia do të ndalojë furnizimin e tyre.

Duke folur për transmetuesin publik amerikan, PBS, zëdhënësi i Kremlinit, Dmitry Peskov, tha se përderisa ai nuk e di se çfarë do të ndodhë me ato shtete që refuzojnë të paguajnë me rubla, “ne do të shohim se çfarë mund të bëhet”.

“Definitivisht, ne nuk do të bëjmë bamirësi dhe të dërgojmë gaz falas për Evropën Perëndimore”, tha ai.

Kjo çështje buron nga vendimi i presidentit rus, Vladimir Putin, i cili javën e kaluar urdhëroi Bankën Qendrore ruse, Qeverinë dhe gjigantin e energjisë, Gazprom – që kontrollohet nga shteti – që të prezantojnë propozime deri më 31 mars lidhur me pagesat e gazit për “shtetet jomiqësore”, përfshirë të gjitha shtetet e Bashkimit Evropian.

Vendimi i Putinit është në përgjigje të sanksioneve të ashpra perëndimore për shkak të pushtimit të paprovokuar të Ukrainës nga Moska.

Ndërkaq, grupi i shtatë shteteve më të industrializuara tha se është pajtuar që të refuzojë kërkesën e Kremlinit për pagesën me rubla për energjinë ruse, duke thënë se kjo paraqet shkelje të kontratave ekzistuese.

Peskov po ashtu foli edhe për mundësinë e përdorimit të armëve bërthamore në përgjigje të çfarëdo kërcënimi ekzistencial për Rusinë, dhe tha se “askush nuk po mendon për përdorimin –as për idenë e përdorimit të armëve bërthamore” sa i përket konfliktit në Ukrainë.

Ai po ashtu tha se ushtria ruse nuk po sulmon caqet civile në Ukrainë, pavarësisht se për këtë ka të dhëna nga gazetarët, hulumtuesit dhe videot e publikuara në rrjetet sociale që shfaqin shkatërrimin e ndërtesave të banimit, qendrave tregtare, spitaleve dhe shënjestrave të tjera civile.

Shefi i agjencisë së Kombeve të Bashkuara për mbikëqyrje bërthamore, Rafael Grossi, gjendet në Ukrainë për të biseduar për “sigurinë e centraleve bërthamore të këtij shteti”, njoftoi sot Agjencia Ndërkombëtare për Energji Bërthamore.

“Qëllimi i vizitës së drejtorit të përgjithshëm [Rafael Grossi] është për të iniciuar sigurinë dhe mbështetjen e sigurisë për ndërtesat bërthamore të Ukrainës”, u tha në deklaratën e agjencisë.

Që prej nisjes së pushtimit të Ukrainës, forcat ruse kanë marrë nën kontroll centralin e çmontuar bërthamor të Çernobilit dhe centralin në Zaportizhja.

ANEB-i u ka bërë thirrje palëve të përfshira në konflikt që të garantojnë siguri për centralet bërthamore të Ukrainës.

Zëvendëskryeministrja e Ukrainës, Iryna Vereshchuk, tha se Rusia është pajtuar për hapjen e tri korridoreve humanitare, përfshirë edhe një nga Mariupoli, në mënyrë që civilët të largohen nga zonat e luftës.

Vereshchuk tha se përveç Mariupolit, qytetarët do të mund të largohen edhe nga qyteti i okupuar ukrainas Melitopol për në Zaporizhja.

Korridori i tretë humanitar do t’iu mundësojë civilëve që të largohen nga qyteti Energodar për në Zaporizhja.

Ky njoftim vjen një ditë pasi Ukraina njoftoi se nuk ishte hapur asnjë korridor humanitar për shkak të “provokimeve” të mundshme nga forcat ruse.

Para fillimit të bisedimeve të sotme në Stamboll, ministri i jashtëm i Ukrainës Dmytro Kuleba këshilloi këdo që shkon në negociatat me Federatën Ruse "të mos hajë ose pijë asgjë dhe mundësisht të shmangë prekjen e çdo sipërfaqeje".

Ai po fliste gjatë një interviste për kanalin ukrainas të lajmeve Ykpaiha 24, përcjell Bota sot.

Paralajmërimi erdhi pas helmimit të dyshuar të miliarderit rus Roman Abramovich dhe negociatorëve ukrainas në fillim të këtij muaji në bisedimet e paqes në kufirin Ukrainë-Bjellorusi.

Ekziston një skepticizëm në lidhje me helmimin e supozuar dhe një zyrtar amerikan i paidentifikuar u citua nga Reuters të ketë thënë se inteligjenca sugjeroi se simptomat e burrave ishin për shkak të faktorëve "mjedisor" dhe jo helmimit.

Siç kemi raportuar, Abramovich është parë në negociata, në fotot e transmetuara nga mediat turke.

Një sulm me raketë ka goditur një ndërtesë administrative në qytetin jugor të Mykolayiv.

Kështu ka deklaruar guvernatori i këtij qyteti, raporton BBC, përcjell Bota sot.

Sipas AFP, Vitaly Kim tha se shumica e njerëzve brenda ndërtesës "shpëtuan për mrekulli", por disa civilë dhe ushtarë mbetën të pagjetur.

Mykolayiv, një qytet port, ka qenë nën sulm për javë të tëra.