Barcelona është duke kërkuar skuadër që ta huazojë apo edhe ta largojë mesfushorin brazilian, Philippe Coutinho, shkruan “Mundo Deportivo”.
Klubit blaugran i duhet që të paguajë 20 milionë euro skuadrës së Liverpoolit në rast se Coutinho i bën 100 ndeshje me klubin.
Braziliani deri tash ka luajtur 90 ndeshje me klubin spanjoll.
Barcelona ka vënë në shitje ish-lojtarin e Liverpoolit për arsyje ekonomike dhe “blaugranasit” kërkojnë largimin e tij.
Marrëveshja në vitin 2018 ndërmjet Barcelonës dhe Liverpoolit ishte që spanjollët të paguajnë 120 milionë euro plus bonuset.
Coutinho që nënshkroi kontratë pesë vjeçare, deri tash ka luajtur ndeshje për Barcelonën, pa i përfshirë ato ndeshje që i ka luajtur si i huazuar tek Bayern Munich.
Ronald Koeman i dha mundësinë në fillim të edicionit, por lëndimet nuk e lejuan që të ketë vazhdimësi, duke u zëvendësuar nga i riu Pedri dhe Dembele.
