Barcelona raportohet se i ka vënë syrin lojtarit të Chelseat, Mason Mount për një lëvizje të mundshme gjatë verës.
Sipas një raporti të gazetës franceze Foot Mercato, Mason Mount është shfaqur në radarin e Barcelonës për një lëvizje të mundshme në afatin kalimtar të verës.
Playmakeri i Chelseat është një nga disa objektivat e mesfushës që Blaugrana mund të ndjekë përpara sezonit 2022/23.
Mason Mount e ka vendosur veten si një nga mesfushorët më të mirë krijues në Premier League që kur u bë lojtar i rregullt për Chelsea.
23-vjeçari ka qenë i rëndësishëm në thyerjen e zinxhirit të produkteve të akademisë së Chelsea-t që janë vazhdimisht në huazim, me disa yje të tjerë të rinjsh që filluan të bëhen opsione për blutë.
Reprezentuesi anglez ka shijuar një sezon të mirë 2021/22, duke grumbulluar tetë gola dhe 12 asistime në 41 paraqitje në të gjitha garat.
Progresi i Mount në Chelsea nuk ka kaluar pa u vënë re, me një nga klubet më të mëdha në botë, Barcelona, që i kushton vëmendje atij për një lëvizje të mundshme në afatin kalimtar të verës.
