Miqësorja mes PSg dhe formacionit të përzier të Al Nassr-Al Hilal nuk ka qenë vetëm rasti për të tifozët e futbollit të admirojnë kampionët e shumtë që zbritën në fushë, por edhe për vetë lojtarët ka qenë një mundësi për t’u takuar pas shumë kohësh.
Nuk ka ardhur vetëm përshëndetja mes Cristiano Ronaldo-s dhe Messi-t, por edhe takimi mes CR7 dhe Mbappe, me këtë të fundit që nuk e ka fshehur kurrë admirimin e tij për portugezin.
Mes miqve të shumë të vjetër të Ronaldo-s ka qenë edhe Sergio Ramos (9 vite bashkë te Real Madrid), me të cilin CR7 ka shkëmbyer një përqafim në tunel para futjes në fushën e lojës.
Dhe Ronaldo ka përfituar për t’i pëshpëritur diçka në vesh Ramos-it: përmbajtja është zbuluar menjëherë, duke parë se Ramos kishte harruar të hiqte vathin, duke shkelur rregulloren që ndalon mbajtjen e objekteve të rrezikshme për veten dhe të tjerët.
Ronaldo, nën vëzhgimin e telekamerave, ia ka vënë në dukje kolegut spanjoll që në atë moment ka marrë menjëherë masat dhe e ka hequr, me dy lojtarët që kanë buzëqeshur në shenjë mirëkuptimi.
