CEO i Serie A, Luigi Siervo është përballur me komente ironizuese në lidhje me deklaratën e tij të fundit. Ai theksoi se kampionati italian është rikthyer shumë tërheqës.
Siervo synon të karikojë në këtë mënyrë edhe Napolin, Milanin, Interin, Juven dhe Fiorentinën përpara çerekfinaleve europiane.
“Liga jonë është rikthyer në majë të futbollit europian.
Jemi për momentin kampionati më tërheqës, sepse në Itali rivaliteti për titullin në vitet e fundit ka qenë shumë i madh.
Jo më kot katër titujt e fundit janë fituar nga katër skuadra të ndryshme”, deklaroi drejtuesi i Serie A, duke përfshirë edhe triumfin e Napolit këtë sezon.
Por, pavarësisht se pas shumë viteve skuadrat italiane u rikthyen të bëjnë mirë në Europë, shumica e tifozëve italianë mendojnë ndryshe. Dhe nuk janë aspak dakord me deklaratat e Siervos.
