Skuadra e Korabit vazhdon me fitoret bindëse në Ligën e Tretë – Jugperëndim, pasi në raundin e dytë fitoi me rezultat 5:0 ndaj Sateskës nga Volino.
Leshi, Kolonja, Mersovski, Dumani dhe Muça ishin golashënuesit në fitoren e thellë të Korabit.
Demir Hisar ishte shumë i fortë për të porsaardhurin Svetlost pasi shënoi fitoren 7:1 në shtëpi.
Golashënuesi Stefan Karevski shënoi katër gola, ndërsa Gjorgjiovski, Neçovski dhe Angelevski nga një gol. Nikoloski shënoi për mysafirët.
Vlaznimi u mposht në shtëpi nga Prespa me rezultat 2:3. Golashënues për vendasit ishin Hoxha dhe Shekutkoski, ndërsa për mysafirin nga Resnja Tosevski, Koloski dhe Jovanovski.
Kravari me Janakievski dhe Alimovski arriti në fitoren 2:1 ndaj Young Team. Ataj Uljo shënoi për mysafirët.
