Anthony Martiali do të mungojë për rreth tre muaj për Manchester Unitedin, pasi iu nënshtrua një operacioni në ijë.
Sulmuesi francez nuk ka luajtur për Unitedin që nga humbja 3-0 nga Bournemouthi më nëntë dhjetor dhe tani është vendosur për një periudhë edhe më të gjatë jashtë fushës, pasi iu nënshtrua një operacioni.
Kohën e mungesës së lojtarit e ka konfirmuar vetë klubi, përmes një deklarate në faqen zyrtare.
“Anthony Martial ka përfunduar një operacion të suksesshëm për të adresuar një ankesë në ijë dhe do të jetë jashtë fushës për rreth 10 javë, ndërsa ai rehabilitohet.
Ne i urojmë Anthonyt një shërim të shpejtë dhe presim me padurim rikthimin e tij”, ka shkruar klubi anglez në faqen zyrtare.
Martiali ka pasur një sezon katastrofik, duke bërë vetëm shtatë startime në të gjitha garat dhe duke shënuar dy gola.
