Liria e Prizrenit nuk e ka e ndërmend të ndalet, synon të jetë sa më e përforcuar për edicionin e ri, me të vetmin qëllim, rikthimin në elitën e futbollit të Kosovës. Prizrenasit përforcohen me futbollistin me përvojë Visar Berisha.
“Visar Berisha rikthehet te FC Liria! FC Liria ka kënaqësinë të njoftojë nënshkrimin e Visar Berishës, i cili po rikthehet në klubin tonë. Visari, një qendërmbrojtës me përvojë të madhe, sjell me vete eksperiencën e tij të çmuar në klubin tonë.
Më parë ai ka luajtur për klube të njohura si Prishtina, Ballkani, Drenica, Schaffhausen dhe FC Winterthur duke dëshmuar aftësitë dhe përkushtimin e tij të jashtëzakonshëm për lojën.
E mirëpresim Visarin përsëri te FC Liria dhe presim me padurim kontributet e tij në fushë”, njofton FC Liria.
