Në një intervistë për “Gazzetta dello Sport”, ish-portieri i Juventusit, Edwin Van der Sar, ka folur për Teun Koopmeiners dhe Francisco Conceição.
Koopmeiners te Juventusi: “E njoh Koop që nga koha e AZ Alkmaar, e kishim ndjekur edhe për tek Ajax-i.
Në fund nuk kishim hapësirë në mesfushë dhe e bleu Atalanta. Koopmeiners është i rëndësishëm për Holandën, jam i sigurt se do të jetë i tillë edhe për Juven.
Ndoshta ajri holandez i PSV-së e zhbllokon dhe për të fillon një sezon i ri. Është një numër 8 i kompletuar, më pëlqen shumë. Duhet të lirohet pak nga presioni, që është pjesë e lojës”.
Portieri i ri i Juventusit: “E kam parë vetëm në disa ndeshje dhe më duket një portier i mirë. Nëse Juve, pas Buffon dhe Szczesny, ka zgjedhur atë, sigurisht ka një arsye”.
Francisco Conceição, lojtari i tij i preferuar te bardhezinjtë: “Lojtari im i preferuar te Juve është Conceição. Francisco është një talent i madh dhe ka mentalitet prej kampioni. Nuk kursehet kurrë dhe është shumë i vendosur.
Kam qenë drejtori i tij te Ajax-i në sezonin 2022-23 dhe është vërtet një djalë i mirë. Jam i lumtur për të dhe për Juven, një goditje e bukur në merkato.
Ndoshta do të jetë ai, me driblimet dhe lëvizjet e papritura, lojtari vendimtar në përballjen e dyfishtë kundër PSV-së. Conceição ka nevojë për vetëm dy lëvizje të tij tipike për të bërë diferencën”.
