Emri i Antonio Conte-s është lidhur me disa klube, si italiane ashtu edhe të huaja, për sezonin e ardhshëm, por nga Castel Volturno bëjnë të ditur se trajneri nga Salento ka kontratë deri në 2027 dhe, pavarësisht spekulimeve, ai është plotësisht i fokusuar në projektimin e së ardhmes së bashku me Aurelio De Laurentiis.
Është e qartë që një profil si ai i Contes – i aftë të ndryshojë shpejt fatin e një skuadre – është shumë i kërkuar nga ekipe që po kalojnë një periudhë të vështirë, si Juventus dhe Milan, apo që kanë probleme me fitimin e trofeve, si Arsenali.
Megjithatë, sipas ‘Il Mattino’, ai është përqendruar tek e tashmja dhe e ardhmja e Napolit, jo vetëm në fushë, ku po lufton për titull me Interin dhe Atalantën, por edhe në aspektin e merkatos, infrastrukturës dhe projekteve afatgjata.
Për shembull, ai ka diskutuar së fundmi me kryetarin e Napolit mbi ndërtimin e një stadiumi modern dhe një qendre të re sportive.
Mbetet ende i hapur ai që Conte e quan "proces" në çdo intervistë: sezoni i tij i parë është vetëm fillimi, dhe në fund të vitit ai do të diskutojë me De Laurentiis për hapat e ardhshëm për ta bërë Napolin një klub elitar dhe fitues.
Sigurisht, do të duhet të zgjidhen disa keqkuptime mes tij dhe klubit, sidomos zhgënjimi për largimin e Kvaratskhelias, i cili nuk u zëvendësua siç duhet.
Megjithatë, ndjesia është se Napoli do t’i ofrojë Contes një merkato cilësore në fund të sezonit, duke shfrytëzuar edhe 70 milionët e fituara nga PSG në janar.
A do të mjaftojë kjo për ta bindur të qëndrojë? Me Juventusin gjithnjë e më të orientuar drejt Piolit dhe Milanin që po lidhet fort me Allegrin, të gjitha rrugët (përsëri) të çojnë te Napoli...
