1.
Kreshnik, biri jonë i dashur, vitet kalojnë, kujtimi për ty është me shumë mall e dhembje.
Prilli i ngrohtë sjell me vete lulet që gjelbërojnë,
të gjithë bora levi edhe duan te gjallërojnë.
Por ti ike mor bir, more rrugën për parajsë,
Në zemrën e copëtuar kishe veç dashuri dhe gaz.
Me shpirtin e pastër, ndër yje kalove.
Yll “ti” mes yjesh, je kthyer në shenjtore,
Je larg nesh Nik, zemrën ç’na e copëtove!
Nik, malli për ty zemrat i ka ngrirë.
Nuk ka fjalë as lot që mjaftojnë të shprehim mallin e pikëllimin për ty!
Nik, ishe Miku dhe shoku i zemrës ton.
Na mungon dashuria jote fisnike.
Besnikëria jote ishte e madhe sa e gjithë bota.
Virtytet e tua të pashembullta, fjalët e tua të peshuara mirë, maturia jote, sjellja e mendja jote e mirëfilltë ndaj secilit person mbesin udhë rrëfim për gjithë ne.
Kujtimet me ty, janë çastet më të bukura, malli i pashterur, sjellë shpresë për bashkimin tonë në amshim.
Babai Brahim M. Rama, edhe e ëma Nushe Rama.
2.
Nuk munde t’i presësh rrezet e ndritshme të diellit të ditës së 22 Prillit të vitit 2007, por u nise rrugës së bardhë e të ndritur për amshim.
Lulet filluan të zgjohen ngadalë, por ti rrugës së amshimit ike duke shikuar kah qielli, për t’u strehuar. Neve na le gojëhapur e zemërndrydhur duke pritur kthimin tënd.
Tashmë jemi bindur se je atje nën strehën tënde, por mungesa jote po na mundon, sepse ishe shpresa e gëzimi i vetëm në familje.
Ti ishe dhe mbetesh lulja dhe kurora më e çmuar e familjes.
të DUA përjetësisht NIk!
Të kujtojmë me mall të pashuar: Motra Arjeta me Bashkëshortin Avni Kastrati, fëmijët: Alisa, Adnani dhe Aurela
3.
E pa imagjinueshme si i kaluam 15 vite pa ty në mesin tonë, Vëllai ynë i dashur, Kalimet i viteve vetëm sa na ka rënduar dhimbjen e mallin për ty. E kujtimet e bukura me ty i shfleton çdo ditë në mendje, gjithsecili prej nesh.
Asnjëherë s’mund t’i harrojmë ata sy të hareshëm e plot dashuri. Ti që ishe i afërt dhe i dashur për të gjithë. Ti Niki ynë me zemër flori që paske pasur fatin e ligë, t'i mbyllësh sytë në ditët më të mira të rinisë. E zëntë mallkimi atë që pati forcë të e privoi nga jeta një djalë shembullor si ty.
Lutemi që shpirti yt i bardhë të jetë duke pushuar në lulet më të bukura të parajsës.
Të kujtojnë me mall: Motra Arbureta me Bashkëshortin Bajram Demaj, fëmijët: Ermira, Alma, Etjola dhe Doriani
4.
Vëlla jem i dashur, kaluan 15 vite sa 15 Shekuj, pa buzëqeshjen tende, pa këshillat e tua të sinqerta dhe pa praninë tënde fizike.
Jetojmë me kujtimet e shumta qe i le, ike herët Nik.
Ndarja nga ti, kurrë nuk e shuan mallin dhe dashurinë që e kemi për ty.
Vdekja e hershme.. mbeti plagë në zemrat tona.
Po ti gjithmonë do të jesh mes nesh.
Me mall: Motra Argita me Bashkëshortin Sami Boletini, Fëmijët: Erindi dhe Erisi.
5.
Shumë vështirë qenka të shkruajmë përkujtim për ty, ashtu siç është e vështirë të pajtohemi më mungesën tënde.
Ike, shkove aq shpejt, sa as lamtumirën e fundit nuk na e the. Bujaria dhe fisnikëria jote ishte udhërrëfyesi ynë.
Dhembja është akoma e thellë në shpirtin tonë. Mungesa jote është zbrazëti që nuk plotësohet kurrë, ndërsa kujtimi dhe malli do të jenë pjesë e jetës sonë.
Të përkujtojnë me shumë mall: Motra Arnita me bashkëshortin Gazmend Kadrija, Mbesa Adea, Nipat Ledioni, Nolani dhe Dilani.
6.
Edhe përkundër asaj se sot mbushen 15 vite nga ikja jote nga kjo botë, Vëlla i dashur, as edhe për një çast nuk është tretur kujtimi për ty.
Mungesa jote është ndier në çdo moment të jetës sonë, si në festa si në pikëllimet tona- thjesht në çdo hap të jetës tonë e kemi përmend emrin tënd, Nik. Ti ishe njeriu më i çmuar që kishim në jetë dhe dashurinë për ty do ta mbajmë me vete deri në takimin tonë që është i pa dyshimtë se do të ndodhë.
Në pikëllim: Motra Afërdita me Bashkëshortin Afrim Ibraimi dhe Nipi po sa i lindur Rajani dhe mbesën Emmy.
