Militantët e dyshuar islamikë vranë 40 fermerë në një sulm ndaj komunitetit Dumba në shtetin Borno të Nigerisë të dielën, tha të hënën një zyrtar i lartë shtetëror.
Raportet fillestare tregojnë se fermerët u larguan jashtë një korridori sigurie të ngritur nga ushtria, duke hyrë në një zonë të njohur për aktivitetin kryengritës dhe të mbushur me mina tokësore, tha komisioneri shtetëror i informacionit Usman Tar, shkruan Reuters.
Militantët besohet se i përkisnin grupit të armatosur Boko Haram dhe degës së tij, Provinca e Afrikës Perëndimore të Shtetit Islamik (ISWAP), të cilët kanë zhvilluar një kryengritje të gjatë në Nigerinë verilindore.
