Nëntë persona kanë vdekur dhe 57 janë plagosur si pasojë e sulmit në një bazë ushtarake afër Lvivit, ka thënë guvernatori rajonal.
Ai ka thënë se Rusia ka hedhur 30 raketa në bazën ushtarake në Javoriv, sipas transmetuesit britanik, BBC.
Ministri i Mbrojtjes në Ukrainë, Oleksii Reznikov, ka thënë se instruktorë të huaj ushtarakë punojnë në një bazë ushtarake në Ukrainë, e cila është goditur nga Rusia.
“Ky është një tjetër sulm terrorist ndaj paqes dhe sigurisë afër kufirit të Bashkimit Evropian dhe NATO-s”, ka thënë Reznikov në Twitter.
