Cavan Sullivan është bërë lojtari më i ri në historinë e MLS-së (kampionati elitar i futbollit në Shtetet e Bashkuara të Amerikës) dhe më i riu që ka debutuar në ndonjë ligë të madhe sportive profesionale në SHBA.
Sullivan, i cili nënshkroi me Philadelphia Union më 9 maj, u aktivizua si zëvendësues në minutën e 85-të në fitoren 5-1 të Unionit kundër New England Revolution të mërkurën mbrëma.
Sullivan u fut në lojë disa momente pasi një gol i vëllait të tij, Quinn, i dha Unionit një epërsi prej katër golash.
Sullivan pati një gjuajtje në portë në minutën e 93-të, por tentativa nga jashtë nga një largësi prej 18 metrash u shmang nga portieri i Revolution, Aljaz Ivacic.
Sullivan bëri debutimin e tij në moshën 14 vjeç e 293 ditë, duke thyer rekordin e Freddy Adu, i cili luajti për D.C. United në vitin 2004 kur ishte vetëm 14 vjeç e 306 ditë.
