Në Superligën e Kosovës në hendboll në konkurrencën e femrave vazhdon gara kampionale.
Këtë fundjavë është xhiroja e 13-të.
Të shtunën (sot) në program janë tri ndeshje.
Lideri i klasifikimit, Istogu, luan në Ferizaj ndaj Kastriotit. Kjo ndeshje zhvillohet nga ora 15:00.
Sot janë edhe ndeshjet Samadrexha – Prishtina (20:00) dhe Besa – Ferizaj (14:00).
Xhiroja mbyllet me ndeshjen Shqiponja – Vushtrria, që është të dielën nga ora 19:00. Rivaliteti më i madh mund të jetë në këtë ndeshje.
Istogu është lider me 20 pikë, dy më shumë se Ferizaj. Shqiponja është e treta me 14 pikë, derisa Samadrexha e Kastrioti kanë nga 12 pikë.
Pasojnë Vushtrria e Besa me nga tetë pikë, Tereza me tri dhe Prishtina me një.
Në Ligën e Parë të hendbollisteve është xhiroja e 12-të.
Të shtunën është takimi Jusuf Gërvalla – Trepça (13:00), derisa të dielën janë tri ndeshjet tjera: Dukagjini – Vjosa (19:00), Ulpiana – KEK-u (19:00), Prizreni – Llapusha (10:00).
