Qytetarët në Koçan gjatë tërë ditës kanë protestuar duke kërkuar përgjegjësi për tragjedinë në klubin e natës “Puls” në Koçan, ku humbën jetën 59 të rinj, shkruan Alsat.
Qytetarët e revoltuar nisën marshin protestues nga Parku i Qytetit, ndërsa më pas vazhduan para objektit të Prokurorisë dhe Gjykatës Themelore të Koçanit. “Kërkojmë drejtësi” dhe “vrasës” ishin thirrjet e qytetarëve.
Protesta ka vazhduar edhe para një lokali i cili sipas protestuesve ishte i pronarit të klubit të natës tashmë të shkrumbuar. Gjithashtu përmbysën një makinë që sipas protestuesve është i pronarit të klubit “Puls”.
Protesta u zhvilluan edhe para shtëpisë private kreut të Komunës së Koçanit Lupço Papazov, i cili më herët gjatë ditës dha dorëheqjen. Qytetarët hodhën gurë dhe vezë në drejtim të banesës së tij.
