Shumë njerëz mendojnë se perimet e papërpunuara janë gjithmonë më të shëndetshme se ato të gatuara, por kjo nuk është gjithmonë e vërtetë.
Në disa raste, gatimi i perimeve jo vetëm që nuk shkatërron lëndët ushqyese, por gjithashtu ndihmon trupin të përthithë më mirë përbërjet e tyre të dobishme.
Hulumtimet tregojnë se metoda të ndryshme gatimi kanë ndikim në vlerën ushqyese të perimeve, por ndryshimi nuk kufizohet vetëm në zgjedhjen mes perimeve të papërpunuara dhe të gatuara. Edhe kohëzgjatja e gatimit, mënyra e gatimit dhe sasia e nxehtësisë mund të ndikojnë gjithashtu në sasinë e lëndëve ushqyese që përmbajnë.
Ngrohja e perimeve ndryshon strukturën e tyre , përveç zbutjes së mureve të qelizave të tyre dhe ndihmon tretjen më të mirë. Këto ndryshime ndonjëherë shkaktojnë një ulje të lëndëve ushqyese dhe ndonjëherë i bëjnë ato më të lehta për t’u absorbuar nga trupi.
“Ndonjëherë perimet e gatuara janë edhe më ushqyese se ato të gjalla. Për shembull, domatet e gatuara çlirojnë sasi më të larta të antioksidantit likopen . Ky antioksidant është efektiv në parandalimin e kancerit. Përveç kësaj, trupi mund të thithë më mirë beta-karotenin që gjendet në karotat e gatuara”, thotë Carlin Thomas, një nutricioniste në Virxhinia.
